Die vrou en die kind

Laat aand besoek ons die Jakobus-kerk in Innsbruck, waar daar 'n reuse-praalgraf vir 'n plaaslike hooggeplaatste leier is wat net soveel praal uitstraal soos die middelstuk waar die altaar staan. Dit is net goud en glorie waar jy kyk. Maar in die middel, ironies, van hierdie hoog-katolieke kerk, is die tekening van Lukas Cranach, die bekende skilder en graveerder uit die sestiende eeu, wie se pragtige skildery van Maarten Luther ek nou al jare iewers as 'n kleinerige afdruk het. Hy was saam met Duerer seker die twee bekendste kunstenaars uit die Reformasie tydperk. Ek sien al jare uit daarna om hierdie stuk van nader te bekyk. Maar dis 'n teleurstelling. 'n Mens kan dit net van veraf bekyk, want die elektroniese bewaking hou 'n stewige oog op jou om jou afstand te bewaar. 'n Egte jammerte. Want watter kunstenaar is hierdie man nie. Sy skilderye van Luther se ouers en Melanchton is onvergeetlik. Maar hier is dan die Vrou en die Kind. Pragtig. Genoeg om net na te kyk, te geniet en jou in te vergeet.

Hier is die geheel aansig - laataand (19h30) geneem.





Die stuk van nader: