Sekulêre ekstase.....

Sekulêre ekstase.....

Die Euronews Nuuskanaal saai vanmiddag ‘n berig uit oor die Konfederasie beker toernooi wat Sondag begin, met hier en daar die nou reeds bekende patroniserende opmerkings oor Afrika se eerste aanbieding van die wêreldbeker toernooi volgende jaar. Die Konfederasie-toernooi is ‘n goeie oefenlopie, vertel die beriggie die veronderstelde skeptiese gehoor.

Maar dan wys hulle die Spaanse sokkerspelers se aankoms vir die Konfederasiebeker. Hulle word verwelkom deur ‘n klomp dansende rukkende Afrikane. En dan word voluit op die gesigte van die spelers gefokus, een na die ander. Hulle monde hang halfpad oop en hulle staar, skoon vergete van wie hulle is, na die dansendes.

Ek kon nie help om te wonder wat alles aangaan in hullle gedagtes nie. Daardie gesigte vertel egter hoe mense so kan opgaan in wat voor hulle gebeur, dat hulle al hul eie roem en faam vergeet. Selfs die bekendes kan nog in vervoering raak....

Ekstase....


En dan dink sommige mense die mistieke is iets ongewoonds...