Ons dink dikwels swaar oor kortstondigheid en verganklikheid.
Maar soms moet 'n mens daaroor dankbaar wees. Dit is 'n genade dat dinge kan verander.
Só sal vele vroue dink as hulle hierdie 1955 knipsel lees. Dit kom uit 'n tydskrif met die naam: Housekeeping Monthly.
Corne stuur dit vir my. Ons werk saam aan 'n reeks waarin die sake ter sprake kom. Die knipsel gee aan die hele reeks 'n ander kleur. Dit verander al my skryfwerk daaroor in 'n oogwink.
Ek staan verstelpt: "Don't complain if he's late home for dinner or even if he stays out all night. Count this as minor compared to what he might have gone through that day."
Vergelyk dit nou met al die ou bekende spotprente waar 'n vrou met 'n koekroller by die deur staan en haar man inwag wat, geswael, na 'n nag se gekuier, ongemerk by die voordeur probeer insluip.
My stem gaan aan die vrou met die koekroller.
