Al
vir vele jare is daar 'n groot gesprek aan die gang oor die ontkerkliking van
Europa. Alle syfers wys uit dat mense al hoe minder kerk toe gaan. Dit is vandag
makliker om jou bande met die kerk te breek of om te leef naas of los van die
kerk. Die dae dat die kerk 'n inkwisisie kan instel om afgedwaaldes uit te
snuffel en te straf, is lankal verby.
Nou
verbind hiermee is die bekende woord "sekularisering." Hierdie woord
verwys na die band van mense met godsdiens wat verbreek is. Samelewings kom al
hoe makliker sonder enige godsdiens oor die weg. Dit lyk asof al hoe meer mense
goed sonder godsdienstig klaar kom.
Sommige
mense beweer ook daarom dat die dae van die Christendom en godsdiens getel is.
In
onlangse tye is daar hieroor heel nuwe gedagtes ontwikkel. Mense aanvaar wel sekularisering
as 'n gegewe feit. Dit is nie meer weg te dink nie. Maar hulle beklemtoon dat
dit nie die enigste proses wat aan die gang is nie.
Naas
die sekularisering is daar nog steeds 'n groot stuk godsdienstigheid aanwesig
in gesekulariseerde samelewings. Die band met godsdiens is toe nie so afgebreek
soos wat vele mense dink nie.
Trouens,
word nou geskryf, godsdiens speel nog steeds 'n groot rol in die lewens van
mense.
In
die opsig is daar nie verskil tussen die huidige samelewings met wat vroeër
gebeur het toe dit ondenkbaar was dat 'n mens sonder godsdiens kan wees. Dit
was buite die kwessie dat mense ooit sou waag om openlik te sê dat hulle nie
glo nie. Godsdiens is nie aan die verdwyn nie.
Tog
is die situasie wel heel verskillend: godsdiens in ons huidige tyd het veral
twee eienskappe. Eerstens kry 'n mens ontelbare weergawes en beskrywings van
wat godsdiens is. Godsdiens is lank nie meer presies en netjies te formuleer
nie. Mense gee hoogs uiteenlopende en verskillende weergawes van wat hulle glo.
Godsdiens het vele, vele gesigte.
Selfs
in 'n bepaalde godsdienstige groep sal 'n mens baie verskillende godsdienstige
opvattings kry. Mense glo nie meer maklik dat God se wil duidelik bekend gemaak
word vir hulle om te gehoorsaam nie. Daar is nie maar net 'n kerklike dogma wat
almal onderskryf nie. Mense ontdek nie 'n betekenis van hulle lewe wat van God
af kom nie. Hulle wil veeleer betekenis self ontdek en uitwerk.
Hieroor
wil ek meer nadink.
